دكتور لندن عجـز ياخـذ تقاريـره
يقول قلبك مـن الصوبيـن منعلّـي
عليه الأوهـام توريـده وتصديـره
يرسل مراسيل نبضه قبـل يرسلّـي
ماهو منظم بضرباته علـى سيـره
أن كان قلبك خلي ... وضعك تبينلّي
منته بلاقي علاج القلب فـي ديـره
قلبك برسم الأشاعة عنـدي مولّـي
أكيد قلبـك ختـم بالحـب تأشيـره
قلت أشهدنك كشفتـه دقـه وجلّـي
القلب بـه واحـدٍ ولا يبـي غيـره
الجـادل اللـي بحبـه تلنـي تلّـي
وأسرف بحال المولع مـن معاذيـره
يطيب قلبي بشوف الرمش والظلّـي
وشعرٍ ليا فل .. مايحتـاج كوفيـره
ومبيسـمٍ صافـيٍ بالـورد معسلّـي
وسوالفٍ من عسلها كلهـا شيـره
أتلا مشاهده يوم أن العصـر زلّـي
في وسط ستريت بيكر يالله الخيـره
أطلع من البيت وأصـل للبكاديللّـي
وأرجع على الهايد بارك بمده قصيره
وستريت بيكر أمـره ذايـبٍ كلّـي
ودي بشوفه لـو أن العالـم كثيـره
الميل والسانتـي والمتـر والملّـي
حسبتها عقب خطواتي عن الديـره
ياكويت ويني وين الونـس ياملّـي
حالي طواه الجفا والضيق والحيـره
مشتاق للبيـت والكمبـود والفلّـي
وديوان أبوي المكرم مع مساييـره
والقصر والمزرعه ومواجه الخلّـي
والقعد الأوضح ومقهوره مع بعيـره
وأصحابي الواصلين اللي على حلّـي
والشعر والشاعر اللي فك أزاريـره
أطلب من الله مـن الأيـام يمهلّـي
وأعيش ويطيب قلبي من عقاقيـره
هذا المقدر وأنـا مسلـم بيحصلّـي
اللي كتب لي بوسط اللوح والسيـره
ياعين علّي على شوف الحلا علّـي
العبد ماله عـن الوقـت ومقاديـره