الامبراطور

احبك كثر ماقد صار احبك رغم ما قد ماصار
احبك كثر مادنيا الزعل والصد مهجوره..
احبك كثر ماتمطر بصدري من غلاك امطار
احبك كثر ماصارت اراضي العشق ممطوره..
احبك كثر ماتفتح شبابيك الربيع أزهار
احبك كثر ماغنت عشان الصبح عصفوره..
احبك كثر ماتاقف على جنب الطريق أشجار
احبك كثر مايقسى الشتاء وتهاجر طيوره ..
احبك كثر مافي الارض بنت تلفت الأنظار
احبك كثر مايرتاح عطر بصدر مغروره..
احبك كثر ماجاب المساء في معطفه زوار
احبك كثر ماجانا صباحا يشبهك نوره..
احبك كثر ماتهدي كفوف الوصل من تذكار
احبك كثر ماشالت يدين العاشق زهوره..
احبك كثر مانقراء عن الفارس عن المغوار
احبك كثر مانسمع ولا شفنا ولا أسطوره..
احبك كثر ماتلعب بدنيا العاشقين أقدار
احبك كثر ما .. ذا الحظ دايم يعلن قصوره..
احبك كثر ماعاثت رياح بحسبة البحار
احبك كثر ماالبحار يعشق نسمة بحوره..
احبك كثر مايتلحف اللي منشغل باعذار
احبك كثر مافي الناس ناس بجد معذوره..
احبك كثر ما ملت قصايدنا من التكرار
احبك كثر ما الشاعر تمنى حب جمهوره..
احبك كثر ماشفنا على وجه الزمن آثار
احبك كثر مافي الأرض فقر وناس ميسورة..
احبك كثر مادارت بذهن الحالمين أفكار
احبك كثر مافي الخير ناس بخير مذكوره..
احبك كثر مانرمى حكايات الحطب للنار
احبك كثر ماقلنا عن الأحول مستورة..
احبك كثر مانجهل متى توقف لنا الأعمار
احبك كثر مانسمع حكايا حب مشهورة..
احبك كثر ماضاق السجين بلعنة الاسوار
احبك كثر ماهاج البحر واجتاحته ثوره..
احبك كثر ماننسى واحبك كثر مانحتار
احبك كثر مايسهر محب وفي يده صوره..
احبك كثر ماتقطع شفاتك في العسل مشوار
احبك كثر ماخدك يخلي الشمس مبهوره..
احبك كثر ماروج عليك الحسن من أخبار
احبك كثر ماصدرك يدوخ الورد بعطوره..
احبك كثر مافي عينك من السحر والأغوار
احبك كثر مافيك الغلا ماوفتك سطوره..
احبك والزمن ساكن واحبك لو زماني دار
احبك يامدينة حب وسط الصدر معموره..
احبك والتفت شاعر لعينك وامطرت أشعار
حلف مايمسى الليلة قبل ما يكتب شعوره..
ورتبتك بصدري وأنت تستاهل وراعي دار
تفضل قلب اوراق الغلا وايديك مشكوره..
تفضل وانت لو مثلك ذكرته هلت الانوار
وقمت أجمع من أشواقي قصايد عشق منثوره..
تلبست الجمال وقلت ابهديك القصيد اجرار
غلاك وصدق حبك ماترك لي نفس مكسوره..
انا عاشق جمال وما خفالي في الجمال أسرار
انا لامن كتبت اعطيك واعطي العشق بك دوره..
كتبتك في القصيد ابيات من حسنك عليك تغار
حروف العشق طفلة في ثياب العيد مسروره..
لقيتك والدلع دلع والثقل شله والحسن ثرثار
يقول أشياء كثيره للعيون ويثبت حضوره..
كفاية لو تطل ويفرح بطلتك دار الجار
كفاية لو تشوف الناس في نظرتك مأسوره..
غرامك يغري حروف سقاها الصدق منك امطار
كتاباتي بتشهد للغرام وتحفظ عطوره..



احبك ثم احبك ثم احبك ثم احبك
رغم ماقد صار احبك حيل مهما صار
احبك يوم انا طيب واراضي العشق ممطوره..
احبك ثم احبك ثم احبك ثم احبك
رغم ماقد صار احبك حيل مهما صار
احبك دام انا طيب واراضي العشق ممطوره