آسف انـا فـي جيتـي لـك تسرعـت
ظنيـت الاقــي فـيـك شــيٍ فقـدتـه
كنت احسبك مجروح مثلي تولعـت
جربت فرقى شخـص قلبـك وهبتـه
كنت احسبك من مر جرحك تجرعت
حبيت فيـك احسـاس طفـلٍ لمحتـه
لوقلت آآآه بوسـط روحـي توجعـت
ولو شفت دمعاتك شعوري سكبتـه
ولو تطلـب اعيونـي ابـد مـا تمنعـت
واعطيـك قلبـي لـو بعـد مـا طلبـتـه
وصلت بك..... اعلى مكـان وتربعـت
وفـي قلـب غيـري ياولـد ماوصلـتـه
واصبر على صدك واشوفـك تدلعـت
واعطـيـك ود ومــا اظـنـك حسـبـتـه
اذهلتني بطباعـك اللـي ...تطبعـت
حتـى قصيـدي فيـك ابـد مـا فهمتـه
لـو كـان غاياتـك حروفـي فانـا بعـت
وافـرح بجـرح الشاعـر الـي جرحتـه
وأرجوك مـن صـدك ترانـي تشبعـت
خلـك مـع اللـي عاجـبـك او عجبـتـه
يكفي قهر في جيتي لـك تواضعـت
تركـت غيـرك لجـل عيـنـك وبعـتـه=
ياليتـنـي عــن حــب مثلك..ترفـعـت
ياليـت قلبـي قـبـل اعـرفـك دفنـتـه
لـكـن اببـعـد دامـنـي بــك تـوهـقـت
الله يـرحــم حـبـنـا الــلــي ذبـحـتــه
انـا شريـت الـود والحيـن انــا بـعـت
وانـا عطيـتـك قلـبـي الـلـي قهـرتـه
في يـوم جيتـك اطلبـك ود واقنعـت
نفسي بانك شخـص عـادي عرفتـه
كمـل حياتـك مثـل أنــا مــا توقـعـت
تبقى اسيـر الماضـي الـي فرضتـه
ولا يحزنـك انـي غلطـان وتراجـعـت
حولـك بدالـي ألـف شخـصٍ عجبتـه
امـا انـا لا يمـكـن اخـضـع ولا طـعـت
يحـرم علـي اعطـيـك قـلـبٍ خذلـتـه
باريّحـك مـن شوفتـي يـوم قاطعـت
اسلوبـك اللـي بـة تجـامـل كرهـتـه
غلطـان يـا المقفـي انـا مــا تتبـعـت
غـيـري يتـابـع خطـوتـي مــا تبعـتـه
ما ينحني راسـي لـو انـي تقطعـت
ومـا هـو انــا مــن لا رميـتـه لقطـتـه
وان كان غرك حكي عذالي وطعـت
الله يـعـلـم كـيــف قـلـبـي سكـنـتـه
اللـي مـلا قلـبـك عـلـي وتسمـعـت
خله يعوض شخص مثلي خسرتـه
انـــا بـمــا فـيــة الكـفـايـة تـولـعــت
واللي بقى من قلب فينـي حرقتـه
باول لقا سلمتة احساسي وضعت
غلطـت حياتـي يـوم قلبـي سلبـتـه
واستسمحك فالبعد كاني تراجعـت
مـا عـاد ابلقـى فيـك شــي فقـدتـه
طبعك مثل غيرك وطبعي كما كنـت
احـب شخـص ولا تركته...تركـتـه!!!
وان شفتني صدفة بعينـك تطلعـت
ذكرتنـي بــا نـسـان غـالـي فقـدتـه
02-21-2008, 09:44 AM
ذكرتني انسان غااالي 
العرض العادي
